ნოტინგემის უნივერსიტეტში ჩატარებული კვლევით, ბრიტანელმა ექსპერტებმა დადგინეს, რომ სატვირთო ავტომობილის მძღოლები, რომელთა ავტომანქანის კაბინაში სათვალთვალო კამერებია დაყენებული, მანქანას უფრო აკურატულად და უსაფრთხოდ მართავენ, ვიდრე ის მძღოლები, რომელთა მანქანებზე ასეთი კამერები არ დგას…
ბრიტანელი სპეციალისტები, თავიანთი ექსპერიმენტის ფარგლებში, 2 წლის განმავლობაში აკვირდებოდნენ 669 სატვირთო ავტომობილის მძღოლს, მათ მოქმედებებს და მივიდნენ იმ დასკვნამდე, რომ მძღოლები თავს არიდებენ მოძრაობისას სარისკო მოქმედებებს, თუ მათ იციან რომ მანქანაში კამერებია დამონტაჟებული. აღსანიშნავია, რომ კამერები თავად მძღოლებს არ აკვირდება ფიზიკურად და მათ არ უთვალთვალებს, არამედ მიმართულია გზაზე მოძრაობის დასაფიქსირებლად და ვიდეოკადრებს ცენტრში გადასცემს…
Accident Analysis and Prevention Journal-ში გამოქვეყნებული კვლევის შედეგების მიხედვით, სატვირთო ავტომობილების მძღოლებს, კაბინებში კამერების დაყენების პარალელურად ჩაუტარეს ინსტრუქტაჟი გზაზე მოძრაობის დროს გარკვეული სარისკო მომქედებების უარყოფით ზეგავლენებზე, რამაც უფრო დადებითი შედეგი გამოიღო, ვიდრე ავტომობილებზე კამერების დაყენებამ ინსტრუქტაჟის გარეშე…
კერძოდ, ინსრუქტაჟ გავლილმა მძღოლებმა, რომელთაც კაბინებში კამერები დაუმონტაჟეს
-34%-თ შეამცირეს სიჩქარის გადაჭარბების შემთხვევები
-16%-თ შეამცირეს მკვეთრი დამუხრუჭება
-31%-თ შეამცირეს მკვეთრი მოხვევის შემთხვევები.
ამ ყველაფერმა კი, როგორც სპეციალისტები ამტკიცებენ, გააუმჯობესა გზაზე მოძრაობის, ტვირთების გადაზიდვის უსაფრთხოება და რაც მთავარია, შეამცირა ავარიებით გამოწვეული ზარალი.
