2020 წლის, ეკოლოგიურად ყველაზე სუფთა სატვირთო ავტომობილი – Scania R540 გახდა.
კომერციული ავტომობილების შვედური მწარმოებელი Scania, ზედიზედ მეოთხედ გახდა Green Truck-ის პრესტიჟული ჯილდოს მფლობელი.
ამჯერად Scania R 540 გახდა ის მოდელი, რომელმაც ყველაზე სუფთა ეკოლოგიური მონაცემები და საწვავის ყველაზე დაბალი ხარჯვა აჩვენა.
გერმანული ჟურნალი VerkehrsRundschau, გამოცემა Trucker-თან ერთად, ყოველწლიურად ადგენენ ეკოლოგიურად ყველაზე სუფთა კომერციული ავტომობილების მოდელებს, სადაც გამარჯვებულებს, სამ ნომინაციაში Green Truck, Green Van, Green Light Truck (მწვანე სატვირთო, მწვანე ფურგონი, მწვანე მაუბუქი სატვირთო) აჯილდოებენ.
გამარჯვებულები ვლინდებიან დამოუკიდებელ ტესტ-დრაივების დროს საწვავის ხარჯვის, ჰაერში სითბური გაზების გამოფრქვევის მაჩვენებლებით და ასევე, ტესტ-დრაივის დროს ავტომობილის სიჩქარისა და წონის თანაფარდიბით.
Green Truck-ის ნომინაციაში, Scania R 540-მა შესნიშნავი მაჩვენებლები აჩვენა და ისე მოიგო ეს ჯილდო. მან აჩვენა ყველაზე მცირე საწვავის ხარჯვა (25,14 ლიტრი/100 კმ-ზე) და ყველაზე მცირე გამონაბოლქვი (798 გრამი/კილომეტრზე) ისე, რომ 7,37 ტონიანი მანქანა, ტესტ დრაივებზე – საშუალოდ 80,42 კმ/სთ. სიჩქარით მოძრაობდა.
როგორც გამოცემა აღნიშნავს, ასეთი დაბალი მაჩვენებელი საწვავის ხარჯვის, ახდენს როგორც ფინანსურ ეკონომიას და გადაზიდვების ღირებულებას ამცირებს, ასევე ამცირებს ჰაერში CO2-ს გამოფრქვევას და იცავს ეკოლოგიას.
